2016-2017 ուսումնական տարի · Без рубрики · ՆԱԽԱԳԾԱՅԻՆ ՕՐԱՑՈՒՅՑ · Ուսումնական օրացույց

Ուսումնական օրացույց

Փետրվար
Փետրվարի 7՝ Մխիթար Սեբաստացու Ծննդյան օրը
4-րդ և 10-րդ դասարանցիները կկատարեն գրաբար-աշխարհաբար փոխադրումներ, կհրապարակեն իրենց բլոգներում, որից հետո դրանք մեկ փաթեթով կհրապարկվեն դպրոցների ենթակայքերում և գլխավոր կայքում: Փոխադրումները կդիտվեն նաև իբրև նախապատրաստում գրաբարի ստուգատեսին և կներկայացվեն որպես նրա բաղկացուցիչ:
4-րդ դասարանցիները կփոխադրեն Սողոմոնի առակները, 10-րդ դասարանցիները՝ հատվածներ Գ. Նարեկացու «Մատեան ոբերգութեան» պոեմից:
Փետրվարի 10` Հայոց լեզվի ֆլեշմոբ
Փետրվարի 16-23` Կարդում ենք Թումանյան
Փետրվարի 23-27` Կարդում ենք Տերյան
Փետրվարի 24՝ «Կարդում ենք» ստուգատեսի մեդիաուրբաթ-համերգ-ներկայացում
Փետրվարի 20-մարտի 9՝ գրաբարի ստուգատես

Դեկտեմբեր
Դեկտեմբերի 9` Հայոց լեզվի ֆլեշմոբ
Դեկտեմբերի 22`
«Ամանորյա տրամադրություն». համերգ «Սեբաստիա» համերգասրահում
Դեկտեմբերի 23`

  • «Մեր պատարագը» համերգ-ներկայացում
  • Մեդիաուրբաթ-համերգ. «Սուրբ Ծննդյան Պատարագ» նախագիծ

Դեկտեմբերի 26-27` Ամանորի ուսումնական նախագծեր
Դեկտեմբերի 28` «Ուսումնական ձմեռ» նախագծի մեկնարկ
Դեկտեմբերի 29` «Ուսումնական ձմեռ» նախագծեր

Նոյեմբեր
Արևմտահայ գրականության օրեր
Նոյեմբերի 1-11՝ Գ. Զոհրապի նովելների ուսումնասիրություն

«Զաբուղոն»
«Երջանիկ մահը»
«Ճիտին պարտքը»
«Փոստալ»
«Թեֆարիկ»
«Այրին»
«Արևմտահայ գրականության օրեր» նախագծի շրջանակում սովորողները նախ կծանոթանան արևմտահայ գրականության կարկառուն ներկայացուցիչ Գ. Զոհրապին, նրա ստեղծագործական ուղուն, կհասկանան՝ ինչու են նրան «Նորավեպի իշխան» անվանել, անձամբ կմեկնաբանեն՝ ի՛նչ առանձնահատկություն ունեն նորավեպերը, ինչո՛վ են տարբերվում գրական այլ երկերից, կհորինեն սեփական նովելները՝ յուրաքանչյուրը մեկը կամ երկուսը:

Այսու կկազմենք նովելների «ժողովածու» և կհրապարակենք:

Հայոց լեզվի ֆլեշմոբ
Նոյեմբերի 11

Մխիթար Սեբաստացու օրեր. կրթահամալիրի տոնը
Նոյեմբերի 14-19՝ Մ. Աբբան՝ որպես աշխարհաբարի քերականության հիմնադիր. զրույց-քննարկում ԵՊՀ Հայ բանասիրության ֆակուլտետի Ընդհանուր լեզվաբանության ամբիոնի վարիչ, դասախոս, բ. գ. թ.  Վ. Պետրոսյանի, Հայոց լեզվի պատմության ամբիոնի դասախոս, բ. գ. թ. Ն. Դիլբարյանի հետ:
Կրթահամալիրի տոնը մեզ համար նախ և առաջ կապվում է Մխիթար Սեբաստացու անվան հետ, որին, տարաբախտաբար, հայ լեզվաբանական և առհասարակ, հայ միտքը ըստ արժանվույն չի մեծարել: Այս տոնը առիթ է, որ յուրաքանչյուր հայ, առավել ևս՝ սեբաստացի, ըստ կարելվույն իրազեկվի՝ ո՛վ է Մխիթար Աբբան, ի՛նչ ավանդ ունի նա հայ լեզվաբանական մտքի պատմության մեջ, ինչո՛ւ է վերջերս քննարկվում նրա՝ աշխարհաբարի քերականության հիմնադիր լինելու տեսությունը:
Այս հարցերի սպառիչ պատասխանները կարող են տալ, իհարկե, ԵՊՀ Հայ բանասիրության ֆակուլտետի լեզվաբանները, որոնց կհանդիպենք նույն ֆակուլտետում, նոյեմբերի 14-ին՝ ժամը 14:30:
Նախագիծը նախատեսված է 10-րդ դասարանցիների համար. մասնակցել ցանկացողները կարող են միանալ մեզ:
Տեսանյութերի և լուսանկարների պատասխանատու՝ Հասմիկ Թոփչյան (Նոր դպրոց):

4-րդ դասարան՝ Մ. Սեբաստացու, Մխիթարյան միաբանության մասին նյութերի պատրաստում, հրապարակում:


Կոմիտասյան օրեր

Հոկտեմբերի 4-6` Կոմիտասը և Պ. Սևակի «Անլռելի զանգակատուն»-ը:

Գրաբարի օրեր. թարգմանչաց տոն, էպոսի օրեր
Հոկտեմբերի 6-25

Հոկտեմբերի 6՝ Գրաբարյան օրեր-ի շրջանակում Աստվածաշնչից հատվածների փոխադրում աշխարհաբարի, տեքստային աշխատանքի հմտությունների զարգացում 10-րդ դասարանում:
4-րդ դասարանում՝ Մ. Մաշտոցի և Ս. Պարթևի «Յոյս իմ ես դու, Տէր» հոգևոր երգի ուսուցանում, տեքստային աշխատանքի կատարում:

Հոկտեմբերի 10` Թարգմանչաց տոնին «Առաջին քայլերը համեմատական լեզվաբանության ասպարեզում» խորագրով ուսումնասիրությունների շարք (սովորողները բազմալեզու թարգմանություններ են կատարում՝ նշելով ու մեկնաբանելով տարբեր լեզուների համեմատական պատկերները՝ հնչյունաբանական, բառակազմական, քերականական), ձևավորում ենք համեմտական լեզվաբանության ուսումնական առաջին փաթեթը:

4-րդ դասարանում նույնպես՝ հայերեն-ռուսերեն-անգլերեն թարգմանություններ, թարգմանական փաթեթի կազմում:

Հոկտեմբերի 14` հայոց լեզվի ֆլեշմոբ:

Հոկտեմբերի 3` «Սասնա ծռեր» էպոսի «Կարոս խաչ» պատումը Կոմիտասի թանգարան-ինստիտուտում

Սեպտեմբերի 21` «Անկախության տոն. բարձունքների նվաճում»
Սեպտեմբերի 9՝ հայոց լեզվի ֆլեշմոբ
Սեպտեմբերի 13-15` Բաց պարապմունք  Ավագ դպրոցում

Սեպտեմբերի 15` «Մեր թաղը» նախագիծ

Սեպտեմբերի 26` 10-րդ դասարանցիների սեմինարը՝ նվիրված Լեզուների միջազգային օրվան

Advertisements
10-րդ դասարան · 2016-2017 ուսումնական տարի · Без рубрики

10-րդ դասարանցիների սեմինարը՝ նվիրված Լեզուների միջազգային օրվան

Սեպտեմբերի 26-ին՝ Լեզուների միջազգային օրը, 10-րդ դասարանցիները ներկայացրին իրենց ուսումնասիրած նյութերը՝ հետևյալ  թեմաներով «Հայերենի դիրքը հնդեվրոպական լեզուների շարքում», «Հ. Հյուբշմանը՝ հայոց լեզվի ծագման և բնույթի մասին» և «Մ. Մաշտոցն ու գրերի գյուտը՝ նոր լույսի տակ»: Սեմինարին մասնակցում էին բոլորը՝ թե՛ իրենց պատրաստած նյութերով, թե՛ հարցերով ու ակտիվ քննարկումներով:
Կարևոր ձեռքբերում է, անշուշտ, որ սովորողները ցանկություն հայտնեցին նմանատիպ սեմինարները հաճախական դարձնել, կազմակերպել հայոց լեզվի պատմությանը նվիրված տարաբնույթ քննարկումներ:

2016-2017 ուսումնական տարի · Без рубрики · Գրաբարյան օրեր

Գրաբարյան օրեր Նոր դպրոցում

Նախագծի իրականացման ժամանակահատվածը՝  հոկտեմբերի 1-14:

Մասնակիցներ՝
2-5-րդ դասարանցիներ

Նպատակը՝

  • Մասնակցություն կրթահամալիրի՝ ուսումնական օրացույցով նախատեսված «Գրաբարյան օրեր» նախագծին:
  • Տեքստերի միջոցով ծանոթացում գրաբարին:
  • Տեքստային աշխատանք կատարելու հմտությունների զարգացում:
    2-3-
    րդ դասարանցիներին

    1. Անգի՛ր սովորիր «Ծնունդ Վահագնի»-ն

Երկնէր երկին, երկնէր երկիր,
Երկնէր եւ ծովն ծիրանի.
Երկն ի ծովուն ունէր եւ զկարմրիկն եղեգնիկ:
Ընդ եղեգան փող ծո՛ւխ ելանէր,
Ընդ եղեգան փող բո՛ց ելանէր.
Եւ իբոցոյն վազէր խարտեաշ պատանեկիկ:
Նա հուր հեր ունէր,
Բո՛ց ունէր մօրուս,
Եվ աչկունքն էին արեգակունք:

Կարդա՛ այսպես.

ծովն — ծովըն
զկարմրիկն — ըզկարմրիկըն
ի բոցոյն — ի բոցույն

Բառարան

երկնէր — երկնում էր (ծնում էր)
երկին — երկինք(ը)
ծովն ծիրանի — ծիրանի ծովը
երկն — երկունքը
ի ծովուն — ծովում, ծովի մեջ
ունէր — 1. բռնել էր 2. ուներ
զկարմրիկն եղեգնիկ — կարմիր եղեգնիկին
ընդ եղեգան փող — եղեգնի փողով
ելանէր — ելնում էր
ի բոցոյն — այն բոցից
վազէր — վազում էր
աչկունք — աչիկները
արեգակունք – արեգակներ:

2.Վահագնին նկարագրող պատկերները դո՛ւրս գրիր և ըստ դրանց՝ ի՛նքդ նկարագրիր և նկարիր նրան:
3. Փոխադրի՛ր աշխարհաբարի:
4. Բառազույգերով ցո՛ւյց տուր՝ գրաբարյան բառերն աշխարհաբարում ի՛նչ փոփոխություններ են կրել:
5. Դասարանով այցելություն Վահագնի արձանին, մեդիանյութերի պատրաստում:

4-5-րդ դասարանցիներին

  1. Ամբողջ դասարանով անգի՛ր սովորեք (յուրաքանչյուր սովորող՝ մեկ տող) Մ. Մաշտոցի և Ս. Պարթևի այս հոգևոր երգը.
    Յոյս իմ ես դու, Տէր,
    Քաւիչ յանցանաց իմոց.
    Մի՛ անտես առնէր
    Զբըղխումն արտասուաց իմոց.
    Ողորմեաց ինձ, Աստուած:
    Առ քեզ ապաւինեցայ
    Որպէս զանառակ որդին,
    Հայր մեղայ յերկինս
    Եւ առաջի քո,
    Ողորմեաց ինձ, Աստուած:
    Փրկեա զիս, Աստուած,
    Ի բազում մեղաց իմոց,
    Արա արժանի
    Քոյին սուրբ արքայութեանդ,
    Ողորմեաց ինձ, Աստուած:

    Մեղք իմ բազում են յոյժ,
    Ծանր են քան զաւազ ծովու.
    Քանզի քեզ միայնոյ մեղայ,
    Ողորմեա ինձ, Աստուած:
    Բաց, Տէր, զդուռն ողորմութեան,
    Որ ողբալով կարդամ առ քեզ,
    Քանզի քեզ միայնոյ մեղայ,
    Ողորմեա ինձ, Աստուած:
    Հեղ յիս ըզգթութիւնըդ քո,
    Բազումողորմ և մարդասէր.
    Քանզի քեզ միայնոյ մեղայ,
    Ողորմեա ինձ, Աստուած:

    Կարդա՛ այսպես.
    յոյս-հույս
    քաւիչ-քավիչ
    յանցանաց-հանցանաց
    զբըղխումն-ըզբըղխումն
    արտասուաց-արտասվաց
    ողորմեաց-ողորմյաց
    Աստուած-Աստված
    ապաւինեցայ-ապավինեցա
    մեղայ-մեղա
    յերկինս-հերկինըս
    փրկեա-փրկյա
    արքայութեանդ-արքայությանդ
    յոյժ-հույժ
    զաւազ-զավազ
    միայնոյ-միայնո
    զդուռն-ըզդուռն
    յիս-հիս
    բազումողորմ-բազումօղորմ:

    2. Փոխադրի՛ր աշխարհաբարի՝ անծանոթ բառերի բացատրությունները դուրս գրելով nayiri.com կայքի՝ գրաբարի բառարաններից (աջ կողմում տրված են բառարանները) կամ ուսուցչիդ օգնությամբ:
    3. Բառազույգերով ցո՛ւյց տուր՝ գրաբարյան բառերն աշխարհաբարում հնչյունական, իմաստային ի՛նչ փոփոխություններ են կրել:

 

2016-2017 ուսումնական տարի · Без рубрики · ԼԵԶՎԱԲԱՆԻ ԱԿՈՒՄԲ, 4-5-րդ դասարաններ

Սեպտեմբերի 27-ին մեկնարկում է Նոր դպրոցի «Լեզվաբանի ակումբ»-ի գործունեությունը

14359138_544767489044008_288801033582757453_nՀոկտեմբերի 11-ին՝ ժամը 13:40-14:20, կկայանա «Լեզվաբանի ակումբ»-ի առաջին պարապմունքը: Ակումբը կգործի յուրաքանչյուր երեքշաբթի՝ 13:40-14:20 տևողությամբ:
Մասնակցել ցանկացողները մինչև հոկտեմբերի 10-ը դիմեն հայերենի իրենց ուսուցչին:

10-րդ դասարան · 2016-2017 ուսումնական տարի · Без рубрики

Լեզուների օրը և 10-րդ դասարանցիները

14457388_544757765711647_3005079818281137202_nՍեպտեմբերի 26-ին՝ 11:00,  10-րդ դասարանցիները Ավագ դպրոցի 3-6 լսարանում անձամբ կվարեն հայոց լեզվի դասը. թեմաներն են՝ «Հայոց լեզվի ծագման և բնույթի վերաբերյալ տեսություններ», «Հյուբշմանը՝ հայերենի ծագման և բնույթի մասին», «Մ. Մաշտոցի և գրերի գյուտի վերանայված պատմությունը»: Դասին մասնակցել ցանկացողներին սիրով հրավիրում ենք:
Նպատակը՝ Լեզուների օրվա առթիվ դիտարկել հայերենը աշխարհի լեզուների շարքում, իմանալ նրա տեղն ու դերը հնդեվրոպական լեզուների շրջանակում, ի վերջո, պարզել՝ հայերենը իրանակա՞ն լեզու է, թե՞ հնդեվրոպական լեզվաընտանիքի առանձին լեզվաճյուղ, վերջապես, հայոց գրերն ինչպե՛ս ստեղծվեցին, ե՛րբ, ո՛ւմ կողմից, ի՛նչ հանգամանքներում:
Հետաքրքրվողներն ուսումնասիրեն հետևյալ նյութերը՝
Ն. Դիլբարյան, Հայոց լեզվի ծագման և բնույթի վերաբերյալ տեսություններ (Հատված «Հայոց լեզվի պատմություն» գրքից)
Վանուհի Բաղմանյան, Ն. Ադոնցը՝ Մ. Մաշտոցի և գրերի գյուտի վերաբերյալ

10-րդ դասարան · 2016-2017 ուսումնական տարի · Без рубрики

Կոմիտասը և Պ. Սևակի «Անլռելի զանգակատուն»-ը՝ սովորողների ընկալմամբ

1255841192_komitas-2

Վանուհի Ազատյան
Անի Ավթանդիլյան
Էրիկ Թելունց
Գագիկ Դավթյան
Գայանե Կարապետյան
Արփինե Մանուկյան
Լիլիթ Սաքունց
Ռեբեկա Խաչիկյան
Անահիտ Հարությունյան
Զոյա Կարապետյան
Գագիկ Ադամյան
Միշել Ղայթանջյան

 

Без рубрики · ՃԱՄՓՈՐԴՈՒԹՅՈՒՆՆԵՐ

Ուխտագնացություն դեպի Հարթագյուղ

Սեպտեմբերի 21-ին մեկնեցինք Հարթագյուղ՝ ուխտագնացության: Մեկնումը առավոտյան ժամը 8-ին էր, սբ. Երրորդություն եկեղեցու մոտից: Պայծառ խումբ էր անխոս՝ մեծ ու փոքր, հին ու նոր սեբաստացիք: Մինչ Հարթագյուղ հասնելը սկսվեցին մեր արկածները: Մեկնարկն ընկեր Նառան տվեց՝ հացթուխին հաց թխել «սովորեցնելով»:
Հարթագյուղում, մինչ ուխտի բուն ճամփան բռնելը, հյուրընկալվեցինք տիկին Սուսանենց տանը՝ անսահման ջերմ ու անմիջական մթնոլորտում, որի պակասն այսօր միայն գյուղերում չկա: Գյուղն էլ, ինչ խոսք, գյուղ էր՝ իր ողջ, իսկական հմայքով, գրավչությամբ՝ բակի ճագարներով ու բոցամազ շնիկով, խոտի գայթակղիչ, արևակեզ դեզերով ու նրանց լեռնահամ բույրով, տիկին Մարիետի՝ բակում, չգիտես ինչու, թափած ու հավաքված չորացրած լոբով:
Միով բանիվ, բռնեցինք ուխտի ճամփան. բլուրներ էին, որ հաղթահարում էինք, փշեր էին, որ վրան նստում էինք: Հատկապես դյութիչ էր լեռան մի հատվածում՝ աղբյուրի մոտի «մուրազի ծառը», որին, միգուցե սնահավատ մարդիկ, միգուցե, հակառակը, ինչ իմանաս, տարբեր իրեր՝ թաշկինակ, ձեռնոց, թել և այլն, կապել էին ու մուրազահետամուտ մագլցել սարը:
Ճանապարհին քանիցս պառկեցի գետնին, որ, իբրև թե, Մարինե Ամիրջանյանի ասած՝ հողը զգամ, բայց ինձ հողը չէր, որ գրավում էր, այլ երկինքը, որ չափազանց մոտ էր, միգուցե՝ ավելին, քան պետք է:
Աստվածամոտ բարձունքում՝ սրբավայրում, մոռանում ես մարդկային ճղճիմ էությունդ, վեհանում, սրբանում ու ձուլվում երկնքին, որ իջել, ծնրադրել է սրբավայրի դռանը: Ամպախռիվ բարձունքից՝ խաչքարերով շրջապատված, իջանք, իջանք ու հավասարվեցինք գետնահուպ մեր ընկերներին՝ վեհացման-սրբացման արդեն միայն գաղափարով:
Վերադարձին էլ մեզ հյուրընկալեց մեկ այլ պայծառ ընտանիք՝ գյուղական իր բոլոր բարիքներով ու խաղաղությամբ: Ջերմ, անկեղծ, պարզ ու հստակ, ինչպես պատուհաններին հպվող անձրևի կաթիլները, որ մեզ ուղեկցեցին Երևան բերող ողջ ճանապարհին:
Լուսանկարները՝ Նունե Խաչիկօղլյանի

2016-2017 ուսումնական տարի · Без рубрики · ՀԱՅՈՑ ԼԵԶՎԻ ՖԼԵՇՄՈԲ

Հայոց լեզվի սեպտեմբերյան ֆլեշմոբի արդյունքները

Մինչև 3-րդ դասարան

4-5-րդ դասարաններ

6-8-րդ դասարաններ

9-12-րդ դասարաններ

Այլ դպրոցներ
Միչև 3-րդ դասարան

4-5-րդ դասարաններ

6-8-րդ դասարաններ

9-12-րդ դասարաններ

10-րդ դասարան · Без рубрики · Սեպտեմբերյան հավաք

Ավագ դպրոցի՝ սեպտեմբերի 15-ի բաց դասախոսությունը

Սեպտեմբերի 15-ին Ավագ դպրոցում կայացավ բաց դասախոսություն՝ «Հայերի անունները և դրանց ստուգաբանական փորձերը», «Մ. Մաշտոցի և գրերի գյուտի պատմությունն ըստ օտար աղբյուրների կամ 4-5-րդ դդ. կարևորագույն դեպքերը՝ նոր լույսի տակ» թեմաներով: Հանդիպմանը ներկա էին ավագ դպրոցի սովորողներ, ուսուցիչներ՝ Միջին և Ավագ դպրոցներից, մանկավարժության լաբորատորիայի ղեկավար Սուսան Մարկոսյանը, հայոց լեզվի և գրականության մասնախմբի ղեկավար Մարիետ Սիմոնյանը, ներկայացուցիչներ՝ 190 ավագ դպրոցից և երկու ներկայացուցիչ՝ ԵՊՀ-ից: Արծարծված վիճահարույց թեմաները բուռն քննարկումների ու մտորումների առիթ դարձան՝ մասնակիցներին դրդելով գիտական նորանոր որոնումների:

2016-2017 ուսումնական տարի · 4-1 դասարան · Без рубрики · Սեպտեմբերյան հավաք · Ընթերցարան

Երևանի, իրենց թաղի, բակի մասին պատմում են 4-1 դասարանի սովորողները

Այսօր՝ սեպտեմբերի 15-ին, Նոր դպրոցի բակում 4-1 դասարանի սովորողների՝ մայրենիի բացօթյա պարապմունքն էր, հընթացս որի յուրաքանչյուր սովորող ներկայացնում էր մայրաքաղաքի, իր թաղի կամ բակի մասին իր պատրաստած աուդիո- կամ տեսանյութը, որոնց կարող եք ծանոթանալ ստորև տրված հղումներով:

Լիլիթ Արևշատյան

Ռուբեն Թադևոսյան

Նարե Ղազարյան

Սվետլանա Համբարձումյան

Օֆելյա Անդրեասյան

Մարի Մադոյան

Գարիկ Հովսեփյան

Լալա Հովհաննիսյան

Սոնա Մեհրաբյան

Միհրան Կարսեցյան

Սուսաննա Բալախչյան

Դավիթ Գրիգորյան