9-1 Լրացուցիչ աշխատանք · Без рубрики

9-1, լրացուցիչ աշխատանք

Գեղարվեստական գրականությունից վերցրեք ցանկացած երկու էջ, դուրս գրեք հոլովված բառերը` նշելով, թե որը ո’ր հոլովով է դրված: Եզակի գոյականները դարձրեք հոգնակի, հոգնակին` եզակի:

Advertisements
Без рубрики · ՆԱԽԱԳԾԵՐ

Դեկտեմբերի 25-29

Նախագծերի շարունակություն

Այս օրերին 11-րդ դասարանցիների հետ շարունակելու ենք թարգմանական նախագիծն ու էլեկտրոնային ընթերցարանների կազմությունը՝

  • Խմբագրեու և հրապարակելու ենք Ա. Չեխովից մեր թարգմանած պատմվածքները:
  • Ավարտելու ենք Կաֆկայի ստեղծագործությունների վերլուծությունների՝ էլեկտրոնային ընթերցարանի կազմությունը:
  • Ավարտելու ենք Շիրվանզադեի երկերի վերլուծությունների խմբագրումը:
2017-2018 ուստարի · Без рубрики · ՆԱԽԱԳԾԵՐ

Կարծիքներ՝ Վանուհի Ազատյանի մոնոներկայացման մասին

 

20171214_134517.jpgՆԻԿԱ ՊՈՂՈՍՅԱՆ (9-րդ դասարան)

Երբ իմացա, որ գնում ենք մոնոներկայացման, նույնիսկ չգիտեի բառի իմաստը, չգիտեի, թե ինչ է լինելու, ու չգիտեի, թե ինչի սպասեմ: Մտնելով այդ փոքրիկ դահլիճը, տեսնելով մտերմիկ միջավայրը՝ արդեն հետաքրքրեց: Ըստ իս, Վանուհին այդ փոքր, բայց իմաստալից ու ինչ-որ տեղ հանճարեղ ներկայացմամբ ցանկանում էր բոլորիս բացատրել, որ մեր շրջապատում չկա անկեղծություն, ու թռչելով՝ ցանկանում էր գնալ մի ուրիշ մոլորակ, ուրիշ աշխարհ՝ երևակայական մի վայր, որտեղ ամեն ինչ կլիներ ազնիվ ու սրտաբաց: Իսկապես մեկ-մեկ լինում են պահեր, երբ այն, ինչ որ քեզ պետք է, ուղղակի անկեղծությունն է, և դա Վանուհին կարողացավ ցույց տալ դերասանական հիասքանչ խաղով: Քիչ են լինում դեպքեր, երբ դահլիճում բացարձակ լռություն է, բայց այս ներկայացման ժամանակ ես ու, ինձ թվում է, մնացած ներկա գտնվողները, մի պահ մտածեցին այդ հարցի շուրջ: Միշտ սիրել եմ ներկայացումներ ու ընդհանրապես ֆիլմեր, երգեր և այլն, որտեղ ոչ թե հստակ ներկայացված է ամեն ինչ, այլ քեզ հնարավորություն է տալիս մտածելու ու թռչելու հեռուները, գտնելու պատասխաններ, թե ինչու է այսպես կամ այնպես:

ԿԱՐԻՆԵ ՈՍԿԱՆՅԱՆ (9-րդ դասարան)

Այսօր գնացինք Գեղարվեստի դպրոց, որպեսզի դիտենք Վանուհու մոնոներկայացումը։ Ես երբեք չէի դիտել մոնոներկայացում, բայց ասեմ, որ այն ինձ շատ հետաքրքրեց։ Մոնոներկայացման ժամանակ Վանուհին պատմում և երազում էր այլ մոլորակի մասին, որտեղ կա հավատարմություն ու սեր։ Ինչպես գիտենք, մոնոներկայացումները լինում են կարճ, ինչպես Վանուհու մոնոներկայացումը, բայց ասեմ, որ այս մոնոներկայացման մեջ կար երազանքին հասնելու նպատակ. Վանուհին ցանկանում էր իր հետ տանել ինչ-որ մեկին։ Ներկայացման ընթացքում Վանուհին ասում էր, որ իրեն էլ թույլ տա գնալ իր հետ, և երբ ներկայացումից հետո մենք հարցրինք, թե ում մասին է խոսքը, ում է դիմում, նա ասաց, որ գաղտնիք է, որ այդ մարդը դեռ գոյություն չունի։ Շատ հետաքրքիր միտք էր կազմել Վանուհին, ու այն ինձ շատ դուր եկավ։

ԱՐՄԻՆԵ ԳԵՎՈՐԳՅԱՆ (11-րդ դասարան)

Այսօր՝ դեկտեմբերի 14-ին, Գեղարվեստի դպրոցում տեղի ունեցավ բոլորիս կողմից շատ-շատ սիրելի Ազատյան Վանուհու <<Թռչել եմ ուզում>> մոնոներկայացումը, որի սցենարի հեղինակը հենց ինքն էր: Ներկայացումը կարճ տևեց, բայց մեր Վանուհին կարողացավ հանդիսատեսին փոխանցել իր բոլոր մտքերն ու հույզերը: Հույս ունեմ, որ նրա ներկայացումները հաճախակի բնույթ կկրեն:

 

 

 

11-րդ դասարան · Без рубрики · ՆԱԽԱԳԾԵՐ

Հավատացե՛ք հրաշքին, որ կատարվի

Այսօր գրականության ժամին Ավագ դպրոցի ընթերցասրահում ընկեր Գայանեի և ընկեր Վանուհու հետ քննարկեցինք, թե ինչ է հրաշքը՝ ըստ մեզ, հավատո՞ւմ ենք հրաշքներին: Անսպասելի բուռն քննարկում ծավալվեց՝ սկսած մարդու ծագումից մինչև ժամանակակից տեխնոլոգիաների՝ հրաշքի արարման գործում ունեցած դերը: Կարծիքները խիստ բազմազան էին: Կային ոմանք, որ միանշանակ հավատում էին հրաշքներին, ոմանք էլ, ընդհակառակը, ամեն ինչ բացատրում էին գիտությամբ: Անչափ հետաքրքիր ու բովանդակալից քննարկում էր, որի համար շնորհակալ ենք ընկեր Գայանեին և ընկեր Վանուհուն:

Նյութի հեղինակ՝ Անուշ Նիկողոսյան (11-րդ դասարան)

 

2017-2018 ուստարի · Без рубрики · ՆԱԽԱԳԾԵՐ

Ամանորյա ավանդական և ժամանակակից ծեսեր

Ներկայացնում է 9-1 դասարանը
Без названия

Տե՛ս այստեղ (Մանե Թոռունյան, Աննա Ղարիբյան, Քրիստինե Մինասյան, Նիկա Պողոսյան, Գլէա Տօնոյան, Գագիկ Մադոյան, Արեն Պողոսյան)

Կարինե Ոսկանյան

Արեգ Սահակյան

Մանե Գյոզալյան

Վարդուհի Սուլթանյան

Ֆերդինանդ Մկրտչյան

Սյուզաննա Հովհաննիսյան

Դայանա Ադամյան

Եկատերինա Հակոբյան

Քրիստինե Ասլանյան

Էլեն Սարատիկյան

 

 

2017-2018 ուստարի · Без рубрики · ՆԱԽԱԳԾԵՐ

Է. Մ. Ռեմարկ, Երեք ընկեր. շնորհանդես

Դեկտեմբերի 16-ին՝ ժամը 16:00, Խնկո-Ապոր անվան ազգային մանկական գրադարանում տեղի կունենա Է. Մ. Ռեմարկի <<Երեք ընկեր>> գրքի շնորհանդեսը: Գրքի թարգմանիչը ես եմ: Շնորհանդեսին ներկա կլինեն կրթահամալիրի՝ հայոց լեզվի և գերմաներենի՝ ընտրությամբ խմբերի իմ սովորողները նույնպես: Սիրով հրավիրում եմ բոլորին:
Վաղը՝ դեկտեմբերի 12-ին, <<Կենտրոն>> հեռուստաընկերության առավոտյան ուղիղ եթերում կարող եք ծանոթանալ թարգմանության մասին իմ ու <<Էդիթ Պրինտ>> հրատարակչության գործադիր տնօրեն Շավարշ Կարապետյանի լուսաբանմանը:

24899873_1543933522358078_2126428023002853246_n