Без рубрики · Հայոց լեզվի ֆլեշմոբ-ճամբար · ՀԱՅՈՑ ԼԵԶՎԻ ՖԼԵՇՄՈԲ

Հաշվետվություն. Հայոց լեզվի ֆլեշմոբ-ճամբար

Օգոստոսի 15-ին մեկնարկեց Հայոց լեզվի ֆլեշմոբ-ճամբարը կամ Հայերենագիտական ճամբարը` տևելով մինչև օգոստոսի 18-ը: Ճամբարի մասնակիցները հայոց լեզվի ֆլեշմոբի մասնակիցներն էին:
Ճամբարի երեք օրը՝ գիշերակացով, անցկացրինք կրթահամալիրում՝ Դպրոց-պարտեզում, վերջին օրը ճամփորդեցինք Հրազդանի հետքերով՝ Բջնի-Սևան ուղղությամբ:
Ճամբարի առաջին օրը սկսվեց Մարմարյա սրահում առավոտյան ընդհանուր պարապմունքով, շարունակվեց լողի, ապա՝ հայերենի պարապմունքով, որի ընթացքում կազմակերպեցինք հայոց լեզվի ֆլեշմոբ. մասնակիցները բաժանվեցին երկու թիմի, և յուրաքանչյուրը մյուսի համար ֆլեշմոբյան առաջադրանքներ կազմեց: Օրը շարունակվեց էստաֆետային խաղերով և եզրափակվեց բանգլադեշյան թափառումներով:
Երկրորդ օրը բռնեցինք Հրազդանի հետքը՝ դուրս գալով Հրազդանի կիրճ, այնտեղ անցկացնելով ճամբարային օրվա մի մասը. հայերենի՝ օրվա պարապմունքն այս անգամ կիրճում էր՝ գետափին, հայոց տեղանունների մասին: Տարբեր խաղեր խաղացինք՝ խնձորով փազլ, շախմատ և այլն: Օրվա ավարտին հավաքվեցինք բակում՝ խարույկի շուրջ:
Ճամբարային երրորդ օրը մեկնարկեց առավոտյան ընդհանուր պարապմունքով, որտեղ իր ելույթով բոլորիս նախ զարմացրեց հայոց լեզվի ֆլեշմոբի ամենաակտիվ մասնակիցներից Վահե Գրիգորյանը, ապա՝ Դիլիջանի Կենտրոնական դպրոցի մասնակիցների պարը: Ընդհանուր պարապմունքից հետո այցելեցինք «Տիգրան Հայրապետյան» գրադարան, կարդացինք մեր նախընտրած գրքերից, խոսեցինք հայոց անձնանունների մասին, քննարկեցինք յուրաքանչյուրիս անվան ստուգաբանությունը: Ճամբարի մասնակիցներին տիկին Մարին գրքեր նվիրեց: Նույն օրը մասնակցեցինք նետաձգության պարապմունքի, հետ այդու՝ լողի ու հեծանվի: Օրն ամփոփվեց ճամբարականների երևանյան շրջագայությամբ:
Ճամբարի վերջին՝ չորրորդ օրը, սկսվեց Բջնի-Սևան ճամփորդությամբ: Մեր ճամփորդությունը հայերենագիտական-հայրենագիտական բնույթ ուներ, ուստի, հաղթահարելով Բջնու բերդ տանող բարձունքը, վերևում հանդիպեցինք բերդը վերակառուցող երկու վարպետի, վայելեցինք «Բջնի» հատկանվան ստուգաբանության, բերդի և առհասարակ, տեղանքի մասին նրանցից մեկի զրույցը:
Բջնուց մեկնեցինք Սևանի հանրային լողափ, լողացինք, խաղացինք մինչև անձրևի ու Դիլիջանի մասնակիցների ծնողների ժամանումը. անձրևն ու դիլիջանցիներս անբաժան ենք, ինչ արած… Հրաժեշտ տալով Դիլիջանից մասնակիցներին՝ վերադարձանք Երևան:

Без рубрики · Հայոց լեզվի ֆլեշմոբ-ճամբար · ՀԱՅՈՑ ԼԵԶՎԻ ՖԼԵՇՄՈԲ

Ճամբարային երրորդ օր

Ճամբարային երրորդ օրը մեկնարկեց Մարմարյա սրահում ընդհանուր պարապմունքով, որից հետո ճամբարականներն այցելեցին «Տիգրան Հայրապետյան» գրադարան, որտեղ տիկին Մարին նրանց գրքեր նվիրեց, հետ այսու գնացին նետաձգության բաց պարապմունքի: Դպրոց-պարտեզ վերադառնալով՝ սկսվեց լողի պարապմունքը: Հիմա պատրաստվում ենք երեկոյան շրջագայության:

Без рубрики · Հայոց լեզվի ֆլեշմոբ-ճամբար · ՀԱՅՈՑ ԼԵԶՎԻ ՖԼԵՇՄՈԲ

Ճամփորդության ծրագիր

Հրազդան գետի հետքերով

Նպատակը՝ հայերենագիտական-հայրենագիտական ճամփորդություն՝ տեղանունների, բարբառների քննությամբ, բարձունքի հաղթահարմամբ, լողի ուսուցմամբ:
Մասնակիցներ՝ հայերենի ֆլեշմոբի մասնակիցներ
1. Վահե Գրիգորյան, Դպրոց-պարտեզ, 5-1 (2 փուլ)-խրախուսվող մասնակից
2. Մարկ Հովհաննիսյան, Արմավիր, Հիմնական դպրոց, 3-րդ դասարան (2 փուլ)-խրախուսվող մասնակից
3. Սիրանուշ Ասատրյան, Երևան, Ավագ դպրոց, 10-1 դասարան (2 փուլ)-խրախուսվող մասնակից
4. Սաթինե Տեր-Պետրոսյան, Դպրոց-պարտեզ, 4-րդ դասարան-խրախուսվող մասնակից

5. Ռուբեն Թադևոսյան, Նոր դպրոց, 3-1 դասարան (2 փուլ ??)-այլ մասնակից

5. Մանե Գրիգորյան, Դիլիջանի Կենտրոնական դպրոց, 7-րդ դասարան (2 փուլ)-խրախուսվող մասնակից
6. Տաթևիկ Գրիգորյան, Դիլիջանի Կենտրոնական դպրոց, 3-րդ դասարան (2 փուլ)-խրախուսվող մասնակից
7. Արման Ոսկանյան, Դիլիջանի Կենտրոնական դպրոց, 7-րդ դասարան (2 փուլ)-այլ մասնակից
8. Արսեն Ոսկանյան, Դիլիջանի Կենտրոնական դպրոց, 6-րդ դասարան (2 փուլ)-այլ մասնակից
9. Թովմասյան Հայկ, Դիլիջանի թիվ 2 դպրոց, 5-րդ դասարան (2 փուլ)-այլ մասնակից
10. Թովմասյան Սամվել, Դիլիջանի թիվ 2 դպրոց, 4-րդ դասարան (2 փուլ)-այլ մասնակից

10:00-մեկնում
11:30-14:00` ժամանում Բջնի, տեղանքի ուսումնասիրություն, տեղի բարբառի քննություն, ռադիոնյութերի պատրաստում, բարձունքի հաղթահարում դեպի Բջնիի բերդ
14:00-17:00` մեկնում Սևանի հանրային լողափ, լողափնյա հայերեն,  լող, ջրային խաղեր
17:00` հայոց լեզվի ֆլեշմոբ-ճամբարի ամփոփում, վերադարձ: