Հունվարյան ֆլեշմոբի գնահատման կարգ

 

Գնահատման կարգ

Մինչև 3-րդ դասարան

21 միավոր

 

  1. Գտի՛ր «թաքնված» ասացվածքները:

Ագռավի ճուտը իր մոր համար ազիզ է:

Ձեռքը ձեռք կլվանա, երկու ձեռքը՝ երես:

 

Յուրաքանչյուր ասացվածք՝ 0,5 միավոր, ընդհանուր` 1:

 

  1. Ո՞ր բառի առաջին տառը հանելու դեպքում նոր բառ չի ստացվի:

Մշուշ բառի նշումը՝ 1 միավոր:

 

  1. Հոմանիշ բառերով զույգե՛ր կազմիր.

Մարել-հանգցնել, գեղեցիկ-սիրուն, ծածկել-փակել, այրել-վառել, կարդալ-ընթերցել

Բոլոր շարքերի ճիշտ կազմությունը՝ 1 միավոր

Շարունակել կարդալ “Հունվարյան ֆլեշմոբի գնահատման կարգ”

Հայոց լեզվի դեկտեմբերյան ֆլեշմոբ

Ֆլեշմոբի հարգելի՛ մասնակից, առաջադրանքներից ընտրի՛ր քեզ հարմարը: Աշխատանքը կարող ես կատարել՝ սեղմելով տարբերակի հղումը։ Յուրաքանչյուր խնդրի համար ընտրի՛ր քո կարծիքով ճիշտ պատասխանը կամ գրի՛ր պատասխանը դրա համար հատկացված տեղում: Տարբերակի բոլոր խնդիրները լուծելը ցանկալի է, բայց պարտադիր չէ։ Աշխատանքն ավարտելուց հետո սեղմի՛ր վերջին կապույտ կոճակը (submit կամ Готово): Ուշադի՛ր եղիր, որ այդ կոճակը սեղմելուց հետո լրացրածդ առաջադրանքը փակվի։
Հայաստանցի մասնակիցներին խնդրում ենք աշխատանքն ավարտել մինչև ժամը 24.00։ Ցանկանում ենք օգտակար, ստեղծագործ ժամանց:

Մինչև 3-րդ դասարան
4-5-րդ դասարաններ
6-8-րդ դասարաններ
9-12-րդ դասարաններ

15417083_1098110050297448_1182675606_n

Հայոց լեզվի նոյեմբերյան ֆլեշմոբ

Ֆլեշմոբի հարգելի՛ մասնակից, առաջադրանքներից ընտրի՛ր քեզ հարմարը: Աշխատանքը կարող ես կատարել՝ սեղմելով տարբերակի հղումը։ Յուրաքանչյուր խնդրի համար ընտրի՛ր քո կարծիքով ճիշտ պատասխանը կամ գրի՛ր պատասխանը դրա համար հատկացված տեղում: Տարբերակի բոլոր խնդիրները լուծելը ցանկալի է, բայց պարտադիր չէ։ Աշխատանքն ավարտելուց հետո սեղմի՛ր վերջին կապույտ կոճակը (submit կամ Готово): Ուշադի՛ր եղիր, որ այդ կոճակը սեղմելուց հետո լրացրածդ առաջադրանքը փակվի։

Հայաստանցի մասնակիցներին խնդրում ենք աշխատանքն ավարտել մինչև ժամը 24.00։ Ցանկանում ենք օգտակար, ստեղծագործ ժամանց:
Մինչև 3-րդ դասարան
4-5-րդ դասարաններ
6-8-րդ դասարաններ
9-12-րդ դասարաններ:

Հայոց լեզվի նոյեմբերյան ֆլեշմոբ

Հայոց լեզվով և ընդհանրապես լեզվաբանությամբ հետաքրքրվող հարգելի՛ սովորողներ, ծնողներ, դասավանդողներ, 2016թ. նոյեմբերի 11-ին՝ ժամը 19.00, սպասեք հայոց լեզվից ամենամսյա առցանց ֆլեշմոբին, որին կարող է մասնակցել ցանկացած մարդ՝ Հայաստանից, Արցախից, Վրաստանից, հայկական սփյուռքից՝ անհատապես, խմբով, ընտանիքով։
Ժամը 19.00 ուսկենտրոնի բլոգում, կրթահամալիրի կայքում, դպրոցների ենթակայքերում, սոցիալական ցանցերում կհրապարակվեն առաջադրանքները:
Առաջադրանքներն ուղղված են մինչև 3-րդ, 4-5-րդ, 6-8-րդ և 10-12-րդ դասարանցիներին: Ոչ հայկական դպրոցների սովորողները կարող են ընտրել իրենց ցանկացած, հարմար տարբերակը: Մասնակիցներն առաջադրանքները կարող եք կատարել մենակ, խմբով, ընտանիքով։
Նախորդ ֆլեշմոբների մասնակիցներին խնդրում ենք ընդգրկել այս աշխատանքում այլ դպրոցներից իրենց ընկերներին, բարեկամներին։
Հայաստանցի մասնակիցների պատասխաններն ընդունվում են մինչև ժամը 24:00, ոչ հայաստանցի մասնակիցների համար ֆլեշմոբն ավարտվում է հաջորդ օրը՝ Երևանի ժամանակով ժամը 22:00:
IMG_20161108_115844.jpg

Հայոց լեզվի ֆլեշմոբի արդի վիճակը և զարգացման ուղիները

Հայոց լեզվի ֆլեշմոբի արդի վիճակը և զարգացման ուղիները

Հայոց լեզվի ֆլեշմոբի արդի վիճակը լավագույնս ընկալելու համար անհրաժեշտ է համեմատել 2015-2016 և 2016-2017 ուսումնական տարիների ֆլեշմոբյան պատկերները:
Հայոց լեզվի ֆլեշմոբի ծրագիրն անխախտ գործեց մեկ տարի՝ մեկնարկելով 2015-2016 ուստարվա նոյեմբերին: Ինչպիսի՞ն էին արդյունքները՝ ըստ մասնակցության. առաջին ամսվա մասնակցությունն անգերազանցելի է, քանզի հայոց լեզվի առաջին ֆլեշմոբն էր, հետաքրքրությունը մեծ էր, սպասելիքները՝ յուրովի: Համենայնդեպս, միայն դրական կարծիքներ ստացանք թե՛ գործընկերներից, թե՛ մասնակիցներից: Երկրորդ, երրորդ ամիսներին նույնպես ակտիվ էր մասնակցությունը, իհարկե՝ ոչ առաջին ամսվա պես: Մասնակցությունը, սակայն, հետզհետե նվազեց՝ պահպանելով նույն միջին մակարդակը: Մենք, անտարակույս, խոսում ենք միջին, այսինքն՝ ոչ ակտիվ մասնակցության մասին, որ նկատվում էր նոյեմբեր-դեկտեմբերին: Սրան զուգահեռ, իհարկե, հատկանշական է, որ հընթացս, եթե չնվազեց մինչև հինգերորդ դասարանցիների ակտիվությունը, ապա կրթահամալիրի Ավագ դպրոցում այն, բառիս համընդգրկուն իմաստով, մարեց. հունվարից սկսյալ՝ լավագույն դեպքում ունեցանք 2 մասնակից: Պատկերը նույնն էր մինչ տարեվերջ:
Հընթացս առաջադրանքները պարբերաբար հեշտացրինք՝ կարծելով, թե բարդությունն է պատճառ դարձել մասնակցության նվազման, բայց քանի որ տարբերություն չկար, նշաձողն ի տարապարտուց չիջեցրինք: Բոլոր պրպտումները՝ պարզելու հիմնապատճառը, հանգեցրին եզրակացության, որը, ի դեպ, Ավագ դպրոցի սովորողների հետ զրույցից հաստատվեց, այն է, որ սովորողները հոգնել են ֆլեշմոբներից, ըստ նրանց՝ եթե դրանք մեկը կամ գոնե երեքը լինեին, «հնարավոր» կլիներ մասնակցել:
Ի՞նչ անել… Մի զարկով վերացնե՞լ բոլոր ֆլեշմոբները՝ սովորողներին փրկելով  Հոբի փորձությունները հիշեցնող «տվայտանքներից», թե՞ պարզապես, առանց այլևայլությունների, սովորողներին խրախուսել, հետաքրքրություն առաջացնել, նրանց հետ մասնակցել ֆլեշմոբին՝ ի վերջո գիտակցելով, որ առաջնահերթ մենք՝ պատասխանատուներս ենք դրանից զարգանում, հմտանում:
Խոստովանում եմ՝ հեշտ չէ դիմացինիդ՝ 15-16 տարեկան, համոզել, որ, այսպես ասած, դու ու քո ֆլեշմոբը հետաքրքիր եք, արդյունավետ և այլն, բայց չմոռանանք, որ մարդուն պետք է ստիպել ցանկանալ ինչ-որ բան: Ի վերջո, բավական է խոսենք մեր ցանկություններից, իսկապես, սովորողին չպետք է ասել՝ ես ուզում եմ, որ դու մասնակցես ֆլեշմոբին. դիմացինի վրա ազդելու միակ միջոցը նրա ուզածների մասին նրա հետ խոսելն է և ամենակարևորը՝ նրան սովորեցնելը, թե ինչպես ստանա դրանք: Իսկ ի՞նչ է ուզում սովորողը… Շատ հասարակ, պարզագույն մի բան՝ «դրա համար կգնահատվե՞մ», «ի՞նչ եք նշանակելու», «ինչքա՞ն միավոր պիտի հավաքեմ ֆլեշմոբից, որ 10 ստանամ»:
Ինչ վերաբերում է կրտսեր և միջին տարիքային խմբերի մասնակցությանը, պետք է նշել, որ կրտսեր խումբը պահպանում է առաջատարի իր դիրքը՝ գերակտիվություն դրսևորելով նաև այս տարի, մինչդեռ միջին խումբը, նախորդ տարվա հունվարից սկսած, մասնակցության դարձյալ կտրուկ անկում ցուցաբերեց՝ իր վերելքն ապրելով միայն այս տարվա սեպտեմբերից:
Արդ, ինչպիսի՞ն է հայոց լեզվի ֆլեշմոբի ծրագիրն այսօր: Փոփոխություններ կրե՞լ է, թե՞ շարունակում է գործել նույն սկզբունքներով:
Հայոց լեզվի ֆլեշմոբի ծրագրի սկզբունքներն անփոփոխ են՝ բացառությամբ 2016-2017 ուստարվա սեպտեմբերից կատարված երեք փոփոխությունների, որոնց ստորև կանդրադառնամ: Իսկ մինչ այդ, որպես նախաբան փոփոխությունների հիմնավորման, նշեմ մասնակցության զարգացման միտումը. ուսումնական այս տարվա սեպտեմբերից մասնակցությունը կտրուկ աճել է՝ ի հաշիվ Ավագ դպրոցի 10-րդ դասարանցիների, Միջին դպրոցի ակտիվության, հուլիսին կայացած ֆլեշմոբ-ճամբարի, ըստ այդմ՝  ՀՀ մարզերից մասնակիցների ակտիվ ներգրավման: Մարզերից ակտիվությունը բացատրվում է նաև այն հանգամանքով, որ «Առաջին անգամ ընտրող» իրազեկման ծրագրի շրջանակում ծանոթացա տարբեր մարզերի՝ հայոց լեզվի ուսուցիչների հետ՝ խրախուսելով նրանց սովորողների մասնակցությունը հայոց լեզվի ֆլեշմոբին: Հոկտեմբերյան ֆլեշմոբին մասնակիցներ ունեցանք նաև Ջավախքից, որոնք «Ֆեյսբուք» սոցիալական ցանցի միջոցով իրազեկվեցին:
Ամենակարևորը՝ ինչպե՞ս ակտիվացան մեր 10-րդ դասարանցիները, ի՞նչը առիթ դարձավ: Առաջին հերթին, կարծում եմ, դրան նպաստեց, սեպտեմբերյան ֆլեշմոբին իմ, ինչպես նաև՝ մի խումբ ծնողների ֆիզիկական ներկայությունը Թումանյանի այգում, որից հետո սովորողներն առաջարկեցին հաջորդ ֆլեշմոբը Խնկո Ապոր անվան այգում անցկացնել, որը, ցավոք, իմ հիվանդության պատճառով չստացվեց, բայց դա բնավ չխանգարեց, որ մասնակցությունն ավելի ակտիվ լինի, քան սեպտեմբերյան ֆլեշմոբին:
Երկրորդ կարևոր իրողությունը, որը, ի դեպ, դարձավ 2015-2016 ուստարվա ֆլեշմոբյան ծրագրից շեղում և փաստացի խթանեց մասնակիցների ակտիվությունը, հոկտեմբերյան ֆլեշմոբին առաջադրանքների կազմությանն իրենց մասնակցությունն էր, իրենց կարևորության գիտակցումը, Ֆրոյդի խոսքով՝ «սեփական նշանակալիության զգացումը»: Այս որոշումը կայացվեց տիկին Սուսանի խոստումնալից առաջարկով և հաջողությամբ պսակվեց:
Երկրորդ փոփոխությունը, որ կատարվեց՝ տեղի տալով սովորողների և դասավանդողների պնդումներին, միջազգային օլիմպիադաների խնդիր-առաջադրանքների բացառումն է: Ինչ խոսք, դրան իրոք պատրաստ չենք. ժամանակ և ջանք է պետք:
Վերջապես, երրորդ փոփոխությունն այն է, որ երեք ամիսը մեկ ընտրվում են եռամսյակի՝ ամենաբարձր միավորները հավաքած և ամենաակտիվ մասնակիցները, անվճար մասնակցում ճամփորդության: Հուլիսյան ֆլեշմոբ-ճամբարն, անշուշտ, ուժի մեջ է, որին խանդավառ սպասում են 10-րդ դասարանցիները:
Այսպիսով՝
ա) Ինչպես ցանկացած ծրագիր, հայոց լեզվի ֆլեշմոբի ծրագիրը նույնպես ենթակա է փոփոխությունների՝ կախված արտաքին մի շարք հանգամանքներից: Մեկ տարվա ընթացքում երեք փոփոխություն է կատարվել, որոնք, ինչպես վերը նշեցինք, կատարվել են ի նպաստ ծրագրի և ուղղակի մատնանշումն են ծրագրի զարգացման ուղիների: Դրանք են՝ սովորողների ներգրավումը առաջադրանքների կազմության գործընթացին, այլկերպ՝ «սեփական նշանակալիության գիտակցմանը» հասցնելը, միջազգային օլիմպիադաներից առաջադրանքների բացառումը, մասնակիցների խրախուսումը նաև ճամփորդություններով:
բ) Հայոց լեզվի ֆլեշմոբի ակնհայտ զարգացումը ապացույցն է, անշուշտ, բոլորիս  միասնական,  պատասխանատու աշխատանքի՝ և՛ առաջադրանքների կազմության, և՛ պատասխանների ստուգման ու գնահատման հարցում: