ՆԱԽԱԳԾԵՐ · Շրջիկ գրադարան

Գրող, դերասանուհի Նաիրա Եդիգարյանը՝ Նոր դպրոց-ում

«Զանգակ» հրատարակչության գրապահարան-տնակը մեկ ամիս Նոր դպրոցում էր: Այսօր այն տեղափոխվեց Հիմնական դպրոց: Իբրև նախագծի ամփոփում՝ դպրոց էինք հրավիրել «Զանգակ»-ի գրքերի հեղինակ, դերասանուհի Նաիրա Եդիգարյանին, որպեսզի սովորողները հնարավորություն ունենան անձամբ նրան ճանաչելու, նրան իրենց հուզող հարցերը հղելու: Հանդիպումն անցավ շատ անմիջական, ջերմ, լուսավոր պայմաններում՝ Նոր դպրոցի ընթերցասրահում: Ներկա էին Նոր դպրոցի ղեկավար Նաիրա Նիկողոսյանը, գրադարանի ղեկավար Մարի Գաբանյանը, Նոր և Հիմնական դպրոցների ուսուցիչներ ու սովորողներ: Մեր սովորողներն արտասանեցին Ն. Եդիգարյանի բանաստեղծություններից, պատմեցին ու քննարկեցին նրա «Իմ տատիկ Թամթիմարիան» գիրքը, որը նրանց շատ էր խանդավառել իր երևակայական կերպարներով ու վառ գույներով, ապա հյուրի հետ ստեղծագործական տարբեր խաղեր խաղացին:

Ն. Եդիգարյանի կարծիքով՝ կրթահամալիրն աչքի է ընկնում, որքան ինքն է հասկացել, ուսուցիչ-աշակերտ ավելի անմիջական փոխհարաբերություններով, ոչ ավանդական կաղապարներով, երեխաների կողմից մեդիագործիքները հմտորեն կիրառելու հատկանիշով, որը, իհարկե, խրախուսելի է:

Մեր առաջարկին՝  հետագայում համագործակցության շրջանակներն ընդլայնելու, Ն. Եդիգարյանն ամենայն ոգևորությամբ ու սիրով դրական արձագանք տվեց՝ մեզ հաճախ այցելելու և ընկերությունն ամրապնդելու պայծառ հեռանկարով:

Լուսանկարները՝ Հասմիկ Ղազարյանի, Արմինե Մնացականյանի, Մերի Գրիգորյանի, Հռիփսիմե Առաքելյանի, Լուսինե Պետրոսյանի:

Advertisements
Շրջիկ գրադարան

«Զանգակ»-ի գրքերը՝ 3-րդ դասարանում

12650514_1070088926374817_1743475902_n

Գրապահարան-տնակի նորդպրոցյան վերջին «հանգրվանը» 3-րդ դասարանն է:

Ահա ընթերցողների կարծիք-մեկնաբանությունները՝

3-2 դասարան

Մերի Միքայելյան

Սոս Ղահրամանյան

3-3 դասարան

Սվետլանա Համբարձումյան

Մարի Մադոյան

 

Շրջիկ գրադարան

«Զանգակ»-ի գրապահարան-տնակը տեղափոխվեց 3-1 դասարան

Այսօր պահարան-տնակը հյուրընկալվեց 3-1 դասարանում: Խանդավառող է, անշուշտ, որ սովորողներն արդեն լավագույնս իրազեկ են՝ ինչ գրքեր կան տնակում, ովքեր են հեղինակները, և պարզվում է՝ անհամբերությամբ սպասում էին տնակի այցին: Ոմանք անգամ հայտնեցին, որ արդեն ձեռք են բերել և կարդացել «Զանգակ» հրատարակչության մի քանի գրքեր, որոնք շատ են հավանել:
Այս իրողությունը փաստում է, որ սովորողները քննարկում են իրենց կարդացած գրքերը այլ դասարանների սովորողների հետ՝ դրանով վարակիչ դարձնելով գիրք ձեռք բերելու գիտելիքահեն ցանկությունը:

2-րդ դասարան · Շրջիկ գրադարան

Շրջիկ գրադարանի մասին 2-2 դասարանի սովորողների տպավորությունները

12735793_818971994895876_901259520_n1   2-2 դասարանի սովորողներն իրենց տպավորություններն են արտահայտում իրենց կարդացած ստեղծագործությունների մասին՝
Լիլիթ Ղազարյան

Ես կարդացել եմ մի հրաշալի հեքիաթ՝ «Փիթրը և Վենդին»: Ճիշտ է, ես այդ հեքիաթից միայն մեկուկես գլուխ եմ կարդացել, բայց նա շատ լավն է: Ինձ դուր եկավ այն մասը, երբ մայրիկը հասկացավ, որ Փիթր Փենը իրական է: Բայց ինձ դուր չէր գալիս այն հատվածը, որտեղ ծնողները և դայակը նեղվում էին, որովհետև երեխաները Փիթր Փենի հետ թռել էին:

Միլենա Բաբայան

http://babayanmilena.blogspot.am/2016/02/blog-post_16.html

Աթանեսյան Վահան

Ես կարդացել եմ «Ֆերդինանդ անունով թռչող վիշապը», որն ինձ շատ է դուր եկել: Մինչև վերջ չեմ հասցրել կարդալ, բայց անպայման կարդալու եմ, որովհետև ինձ շատ հետաքրքիր է՝ վերջում ինչ է լինելու:

Continue reading “Շրջիկ գրադարանի մասին 2-2 դասարանի սովորողների տպավորությունները”

Շրջիկ գրադարան

Շրջիկ գրադարանը տեղափոխվեց 2-2 դասարան

IMG_20160212_153423Շրջիկ գրադարանն այսօր տեղափոխվեց 2-2 դասարան: Սովորողներն աննախադեպ ոգևորությամբ ձեռնամուխ եղան նոր գրքերի ընթերցանությանը՝ ցանկություն հայտնելով գրադարանը իրենց դասարանում ավելի երկարաժամկետ հյուրընկալելու, որպեսզի կարողանան ծանոթանալ բոլոր գրքերին: Այս անգամ իմ օգնականներն են Սոֆին և Մարիամը:

Շրջիկ գրադարանի պատասխանատուի օգնական՝ Սոֆի Նահապետյան
Այսօր մեզ հյուր է եկել շրջիկ գրադարանը և մեզ համար բերել է «Զանգակ» հրատարակչության տպագրած մանկական ընթերցանության գրքեր, որոնք մենք պետք է կարդանք և անվնաս վերադարձնենք: Հուսով եմ, որ մեզ այդ գրքերը դուր կգան: Ես և Մարիամը ընկեր Վանուհու օգնականներն ենք լինելու առաջիկա շաբաթվա ընթացքում, կազմելու ենք գրքերի ցանկը, գրելու՝ ովքեր են գրքեր վերցրել:

Շրջիկ գրադարանի պատասխանատուի օգնական՝ Մարիամ Ստեփանյան
Բարև ձեզ: Ես Մարիամ Ստեփանյանն եմ: Սովորում եմ Նոր դպրոցի 2-2 դասարանում: Մեզ հյուր է եկել «Զանգակ» հրատարակչության շրջիկ գրադարանը՝ պահարան-տնակով: Պատասխանատուն ընկեր Վանուհին էր, որ ինձ և Սոֆիին նշանակեց գրապահարան-տնակի պատասխանատու: Մենք բոլորս շատ ուրախացանք, հատկապես՝ ես, որովհետև ես գրքեր շատ եմ սիրում:

Շրջիկ գրադարան

Շրջիկ գրադարանը՝ 2-1 դասարանում

12650514_1070088926374817_1743475902_n

2-1 դասարանի սովորողները պատմում են իրենց կարդացած գրքերի մասին
Նարե Թահմասյան, Sun, 02/07/2016 — 12:21

Իմ գրքի անունը «Կոնրադ» է, իսկ հեքիաթի վերնագիրը՝ «Տիկին Բարտոլոտի»: Մի անգամ տիկին Բարտոլոտին նստեց ճոճաթոռին և նախաճաշեց: Նա պատրաստեց չորս բաժակ սուրճ և կարագով երկու պատառ հաց: Նա պատառ ուտելիս մեղրը թափեց իր վրա և ինքն իրեն ասաց. «Սիրուն բալիկ գնա, ձեռքերդ լվա»: Նա գնաց բաղնիք և տեսավ իր բերած ոսկե ձկնիկներին:

Սարգսյան Համլետ, Sun, 02/07/2016 — 13:16

Իմ կարդացած գրքի վերնագիրն է` «Փոքրիկ Տիկիններ», հեղինակ` Լուիսա Մեյ Էլքոթ: Իմ kկարդացած գիրքը մի ընտանիքի մասին էր, ովքեր ունեին երեք աղջիկ և ապրում էին ոչ լավ պայմաններում: Աղջիկների անուններն էին՝ Ջոյ,Մեգ և Բեթ Մարչեր:Նրանց հայրը քահանա էր և գտնվում էր պատերազմի դաշտում՝ որպես խրախուսող և մխիթարող զինվորներին: Նրանց հետ էր ապրում նաև մայր Մարգարեթը,որին աղջիկները կրճատ Մարմի էին ասում:Այս պատմությունը սովորեցնում է,որ պետք է բարի լինել, քանի որ բարությունը աստվածային շնորհ է և տրված չէ ամեն մեկին: Իսկ այս ընտանիքի անդամները, այդքան վատ պայմաններում ապրելով, օգնում էին իրենց հարևան աղքատ Հյումելների ընտանիքին:Քանի որ նրանք բարի էին բոլորի հանդեպ,այդ պատճառով պատմության վերջում նրանց հայրը ողջ և առողջ տուն վերադարձավ պատերազմից, և նրանք սկսեցին ավելի բարեկեցիկ կյանքով ապրել: Ինձ այս պատմությունը շատ դուր եկավ, և ես սովորեցի,որ պետք է բարի լինել և օգնել աղքատներին ու խեղճերին:  Continue reading “Շրջիկ գրադարանը՝ 2-1 դասարանում”