10-րդ դասարան · Без рубрики · Սեպտեմբերյան հավաք

Ավագ դպրոցի՝ սեպտեմբերի 15-ի բաց դասախոսությունը

Սեպտեմբերի 15-ին Ավագ դպրոցում կայացավ բաց դասախոսություն՝ «Հայերի անունները և դրանց ստուգաբանական փորձերը», «Մ. Մաշտոցի և գրերի գյուտի պատմությունն ըստ օտար աղբյուրների կամ 4-5-րդ դդ. կարևորագույն դեպքերը՝ նոր լույսի տակ» թեմաներով: Հանդիպմանը ներկա էին ավագ դպրոցի սովորողներ, ուսուցիչներ՝ Միջին և Ավագ դպրոցներից, մանկավարժության լաբորատորիայի ղեկավար Սուսան Մարկոսյանը, հայոց լեզվի և գրականության մասնախմբի ղեկավար Մարիետ Սիմոնյանը, ներկայացուցիչներ՝ 190 ավագ դպրոցից և երկու ներկայացուցիչ՝ ԵՊՀ-ից: Արծարծված վիճահարույց թեմաները բուռն քննարկումների ու մտորումների առիթ դարձան՝ մասնակիցներին դրդելով գիտական նորանոր որոնումների:

Advertisements
2016-2017 ուսումնական տարի · 4-1 դասարան · Без рубрики · Սեպտեմբերյան հավաք · Ընթերցարան

Երևանի, իրենց թաղի, բակի մասին պատմում են 4-1 դասարանի սովորողները

Այսօր՝ սեպտեմբերի 15-ին, Նոր դպրոցի բակում 4-1 դասարանի սովորողների՝ մայրենիի բացօթյա պարապմունքն էր, հընթացս որի յուրաքանչյուր սովորող ներկայացնում էր մայրաքաղաքի, իր թաղի կամ բակի մասին իր պատրաստած աուդիո- կամ տեսանյութը, որոնց կարող եք ծանոթանալ ստորև տրված հղումներով:

Լիլիթ Արևշատյան

Ռուբեն Թադևոսյան

Նարե Ղազարյան

Սվետլանա Համբարձումյան

Օֆելյա Անդրեասյան

Մարի Մադոյան

Գարիկ Հովսեփյան

Լալա Հովհաննիսյան

Սոնա Մեհրաբյան

Միհրան Կարսեցյան

Սուսաննա Բալախչյան

Դավիթ Գրիգորյան

 

Без рубрики · Սեպտեմբերյան հավաք

Աշնանային հավաքի նախագիծ Նոր դպրոցում

Սեպտեմբերի 15-ին՝ ժամը 10:10, 4-1 դասարանցիների հետ՝ բացօթյա ընդհանուր պարապմունք՝ «Մեր քաղաքը» խորագրով: Սովորողները, նախապես իրենց բլոգներում տեղադրած լինելով իրենց պատումները՝ քաղաքի, թաղի, շրջակայքի մասին, այդ օրը՝ բացօթյա պարապմունքին, բանավոր կպատմեն իրենց ընկերներին, բոլոր ներկաներին:Այսու, սովորողների աչքով ու լեզվով, ինչպես և երևակայությամբ կստանանք Երևանի փոքրիկ համայնապատկերը:
SAM_3789

2016-2017 ուսումնական տարի · Без рубрики · Հայոց լեզու · Սեպտեմբերյան հավաք

Բաց դասախոսություն՝ ա) «Հայերի անվանումները և դրանց ստուգաբանական փորձերը», բ)«Օտար աղբյուրները՝ Մ. Մաշտոցի և հայ գրերի գյուտի մասին կամ 4-5-րդ դդ. կարևորագույն դեպքերը՝ նոր լույսի տակ» թեմաներով

Սեպտեմբերի 15-ին՝ ժամը 14:25-16:00, «Մխիթար Սեբաստացի» կրթահամալիրի Ավագ դպրոցում (Բաբաջանյան, 25) կկայանա բաց դասախոսություն՝ «Հայերի անվանումները և դրանց ստուգաբանական փորձերը» և «Օտար աղբյուրները՝ Մ. Մաշտոցի և հայ գրերի գյուտի մասին կամ 4-5-րդ դդ. կարևորագույն դեպքերը՝ նոր լույսի տակ» թեմաներով:
Դասախոսությունը Ավագ դպրոցի 10-րդ դասարանի՝ «Հայոց լեզու» ընտրությամբ դասընթացի շրջանակում կլինի, որին, այսու, սիրով հրավիրում ենք մասնակցելու բոլոր ցանկացողներին:
Նպատակը՝ իմանալ՝ աշխարհին ինչ անուններով ենք հայերս հայտնի, որտեղից են ծագել այդ անունները, ստուգաբանական ինչ հետաքրքիր փորձեր են ձեռնարկվել՝ երբեմն ըստ դրանց հայերիս ծագումը որոշելու, ինչպես նաև՝ համարձակվել կողմնակի աչքով նայել մեր գրերի պատմությանը, արդյոք չափազանցվա՞ծ չէ սրբացված Մաշտոցի կերպարը, ո՞վ էր նա իրականում, իսկ ո՞վ էր նրա աշակերտ Կորյունը, ի՞նչ կապ ունեն նրանք նեստորականության, հերձվածողների հետ, գրերի գյուտն արդյո՞ք 5-րդ դարում կատարվեց, թե՞ ավելի վաղ, ի վերջո, ինչո՞ւ են լռում հայկական աղբյուրները:

2016-2017 ուստարի · Без рубрики · Սեպտեմբերյան հավաք

Հայոց լեզվի ֆլեշմոբը՝ Թումանյանի այգում

Սեպտեմբերի 9-ին հայոց լեզվի՝ 2016-2017 ուստարվա մեկնարկային ֆլեշմոբն էր: Ավագ դպրոցի  10-րդ և Նոր դպրոցի 4-րդ դասարանի մի խումբ սովորողներ՝ իրենց ընտանիքներով, ընկերներով, ֆլեշմոբին մասնակցում էին Թումանյանի այգուց: Ուրախ, անմիջական մթնոլորտը լրացվեց հայոց լեզվի ֆլեշմոբյան գիտելիքահեն քննարկումներով: Այգում զբոսնող համաքաղաքացիներն անկեղծորեն ու սկզբում նախանձաբեկ հետաքրքրվում էին՝ ինչով ենք զբաղված, հետո իրենք էլ միացան մեզ, սկսեցին մասնակցել մեր քննարկումներին: Զբոսայգու մեր ընկերներին բաժանեցինք հայոց լեզվի ֆլեշմոբի օրացույց-թռուցիկներ, որպեսզի իրազեկվեն և մասնակցեն հետագա ֆլեշմոբներին:
Լուսանկարները՝ Անի Հովհաննիսյանի

2016-2017 ուսումնական տարի · Սեպտեմբերյան հավաք

Հայոց լեզվի սեպտեմբերյան ֆլեշմոբին ընդառաջ (Սեպտեմբերյան ամենամյա 11-րդ հավաքի նախագիծ)

Սեպտեմբերի 9-ին մեկնարկում է հայոց լեզվի՝ 2016-2017 ուստարվա ամենամսյա առաջին ֆլեշմոբը: 10-րդ դասարանի սովորողների, ինչպես նաև բոլոր ցանկացողների  հետ  ֆլեշմոբին մասնակցելու ենք Թումանյանի այգում՝ ժամը 20:00:
Նպատակն է՝ ըստ կարելվույն խրախուսել հայոց լեզվի ֆլեշմոբին սովորողների մասնակցությունը, սեփական օրինակով նպաստել ֆլեշմոբը որպես ուսումնական համեմատաբար նոր գործիք ընկալելու կարողությանը: Ֆլեշմոբը, այսու, կսկսի դիտարկվել ոչ թե իբրև պարտադրանք, այլ երեկոյան հաճելի զբաղմունք, խաղ, մրցակցություն, ընկերական-ընտանեկան հանդիպումների առիթ և գիտելիքի անուղղակի աղբյուր:
Ոչ Սեբաստացի մասնակիցներին, անցորդներին կբաժանվեն հայոց լեզվի ֆլեշմոբի օրացույց-թռուցիկներ՝

Հայոց լեզվի ֆլեշմոբի օրացույց

 

Ամիս Օր Ժամ Առաջադրանքների տեղադրման կայքեր
Սեպտեմբեր 9  

 

 

 

19:00-00:00

 

 

 

 

Mskh.am
https://natlanglit.wordpress.com/

 

Հոկտեմբեր 14
Նոյեմբեր 11
Դեկտեմբեր 9
Հունվար 13
Փետրվար 10
Մարտ 10
Ապրիլ 14
Մայիս 12
Հունիս 9

cropped-sam_3693.jpg